“Cığır” MDİD İB adından haqq müharibəsinin növbəti qəhrəmanı, Xüsusi Təyinatlı Qüvvələrin kapitanı Veysəl Musibovun ailəsini ziyarət etdik.
Şəhidimiz Veysəl Murov yüksəkliyinin azad olunmasında, Cəbrayıl və Füzuli döyüşlərində fəal iştirak edib.
Oktyabrın 7-də Cəbrayılın azadlığı uğrunda gedən döyüşlərin birində şəhidlik zirvəsinə ucalıb.
“İnsan olmaq önəmlidir”,- deyərək ailəsinə daima tövsiyələr edən şəhidimizin ziyarətimizdə necə gözəl ailəsinin olduğuna, anasının mərdliyinə, xanımının 2 yaşlı oğlu Yaduda və 4 yaşlı qızı Nilaya necə gözəl vətənpərvər ruhda tərbiyə verdiyinə şahid olduq.