Kitab insanın öz dünyası və ətraf dünyası ilə ünsiyyət qurmaq üçün ən gözəl bağdır. Yamyaşıl və kitablarla dolu bir məkanda dostlarla bərabər kitab oxumaq, müzakirə etmək, oxuduqlarımızı ətirli çaylarla duyğu və düşüncələrdə dəmləndirmək və ətrafımızın da bitkilərlə zəngin bir təmasda zaman dəyərləndirmək insanın ehtiyacıdır. “Kitab bağı” kitab kafesində məhz bu ortamı yaratmağa çalışmışıq. Kitab oxumaq, bərabər qiraət etmək mədəniyyətini formalaşdırmaqla cəmiyyətdə sosial töhfə olmağa niyyətliyik. Beləliklə, oxu mədəniyyətinə təşviq, cəmiyyətdə kitaba, bədii qiraətə sevgi yaratmaq sosial məsuliyyətimizdir. Sahibkarlıq fəaliyyəti ilə məşğul olaraq sosial dəyərlərimizə sahib çıxmağı düşünürük. Layihənin icra prosesində isə gənclərin də  sosial missiyaya xidmət edərək zamanlarını dəyərləndirmək fürsəti yaranıb. Belə ki, təhsil saatına uyğun olaraq tələbə gənclər növbəli iş saatı qrafikinə müvafiq kafede çalışmaq fürsəti qazanır. Tələbələrə həm könüllü çalışmaq, həm ali təhsillə bərabər peşəyə yiyələnmək fürsəti də nəsib edilmişdir.

Botanik bookkafemizdə müxtəlif çaylar, şirniyyatlar, qəlyənaltılar dada bilərsiniz və ya özəl günləriniz üçün şirniyyat sifariş edə bilərsiniz. Bundan əlavə biznesiniz üçün kofe breyk təşkili və şirniyyatlar üçün komandamızla xidmətinizdəyik.