Sosial rifah

Sosial rifah

"Güclü qadın sağlam cəmiyyət deməkdir."

Düşbərə/dolma hazırlanması:

Layihənin məqsədi əmanət analara iqtisadi stabillik qazandırmaq, dul qadınların birgə əməyini təşkil etməklə bir-birinə mənəvi dəstək olmalarını və sosiallaşmasını təmin etməkdir. 

Əmanət analara məhsulun hazırlanması və satışının həyata keçirilməsi üçün lazimi şərait yaradılır, mütəmadi keçirilən bükmə görüşlərində gəlir analar arasında bölüşdürülür.

Kompüter alınması:

“Cığır” MDİD İB evdar anaların sosial layihələrdə aktiv iştirakını və təşkilatçılığını nəzərə alaraq onların ev şəraitində kompüterlə təmin olunmasına dəstək olur. Belə ki, müstəqil olaraq iki layihənin həyata keçirilməsində misilsiz xidmət göstərən iki əmanət anamız xeyirsevərlər tərəfindən kompüterlə təmin olunmuş, yeni layihələrin icrası istiqamətində təklif, təşviqat aparılmışdır.

Tikiş sexi:

“Maidə” dərzilik layihəsi “Cığır” MDİD İB-in “Dul qadınların sosial və mənəvi rifahının yüksəldilməsi istiqamətində silsilə fəaliyyətlər planı”na  uyğun olaraq 2020-ci ilin avqust ayında fəaliyyətə başlayıb. 
Layihə çərçivəsində dul analara dərzilik kurslarının keçirilməsi, emalatxana və lazımi avadanlıqlarla təmin olunması və hazır məhsulların satışlarının həyata keçirilməsi nəzərdə tutulub. 
Hazırda “Maidə” Dərzilik Emalatxanası 4 əmanət ananı işlə təmin edir. Emalatxana müxtəlif çeşidli geyim və yataq dəstlərinin sifarişlə tikilməsi və satışını həyata keçirir.
 

İşlə təmin:

Əmanət anaların işlə təminatı onların iqtisadi durumlarını yüksəltmək üçün irəli sürülən layihədir. 100-ə yaxın dul qadın “Cığır”ın təşşəbbüsü və dəstəyi ilə müxtəlif iaşə obyektlərinə müxtəlif vəzifələrə – xadimə, dayə, qoca baxıcısı, bağça müəllimi, resep və s. kimi vəzifələrə yönləndirilmiş, işlə təmin olunmuş, sosial rifahlarınının yaxşılaşdırılmasına yardımçı olmuşdur.
 
 
 

"Qadın gülərsə şu ıssız mühitimiz güləcək, Sürüklənən bəşəriyyət qadınla yüksələcək." (H.Cavid)

Sosial mediada bizi izləyə bilərsiniz.