Haqqımızda

Haqqımızda

"Özünü sev, qardaşını sev, vətənini sev.. Dünyan dəyişsin."
“Cığır” MDİD İB haqqında kiçik məlumat:

“Cığır” mənəvi dəyərlərin inkişafına dəstək ictimai birliyinin məqsədi ataları dünyasını dəyişmiş yetim uşaqlar və onların analarına-tənha, dul qadınlara- dəstək, dayaq ola bilməkdir. Yetim uşaqların ayağa qalxması üçün (vəqf) müxtəlif istiqamətlərdə fəaliyyət göstərir.

Fəaliyyətimiz:

2015 –ci ildə yalnız qadınlar olaraq çiynimizi dayaq edərək xeyir yolunda xeyir ünvanlı bir çox cığıra vəsilə ola biləcəyimizə inanaraq fəaliyyətə başladıq. Anladıq ki, hər kəsin insanlıq naminə könüllü xidmətə ehtiyacı var. Həyatın məqsədini faydalı olmaqda, təmənnasız yardımda görən könüllü qadınlar toplanaraq eyni amal və məqsəd üzərində çalışmaqdadır. Tibbi təhsil və biliyi olanlar yetim balalarımızın sağlamlığı, müayinə və müalicəsinə, təhsil sahəsində fəaliyyət göstərən müəllim və tərbiyəçilərimiz onların təhsilinə görə məsuliyyət daşıyırsa, evdar qadınlar biş-düşlər etməklə xeyriyyə çay süfrələri təşkil edərək maddi dəstək ola bilirlər.

“Cığır”ın əsas şüarı:

Hər kəs öz bacarıq və istəyinə görə “xeyir karvanı”nda özünə yer tapsın. Uşaqların mənəvi rifahı, psixoloji reabilitasiyası üçün silsilə tədbirlər keçirilir. Məqsəd onların özləri kimi uşaqlarla ünsiyyət edərək özgüvənlərinin artması, yeni əlaqələr qurmaqla cəmiyyətə bağlanmasıdır. Oyun xarakterli maarifləndirici viktorinalar və silsilə tədbirlər təşkil edilir. Xeyriyyə tədbirləri keçirməklə cəmiyyətin hər bir fərdinə müraciət olunur və insanların asudə vaxtlarını xeyirdə yarış istiqamətində keçirməsinə vasitəçi olmağı ümid edirik.

Yetim gülsə dünya gülər.

Sevgi ilə qidalanan yetimlər dünyanı sevgi toruna saracaq...

Sosial mediada bizi izləyə bilərsiniz.