Mənəvi dəstək

Mənəvi dəstək

Mənəviyyat kamilliyin ilk pilləsidir

Psixoloji dəstək

Yarımçıq ailə kompleksi ilə böyüyən uşaqları tək valideyn olaraq böyütmək əmanət anaların çiyinlərinə çox böyük məsuliyyət qoyur. Ananın psixoloji sağlamlığı ailə üçün çox önəmlidir. Bunu nəzərə alaraq, “Salam yurdu” təlim-tədris mərkəzində əmanət analarla qrup terapiyaları və seminarlar həyata keçirilmiş, qruplarla 8-10 ana, seminarlarda isə ümumilikdə 40 ana iştirak etmişdir.
“Loqo” Center Psixoloji və Nitq İnkişaf Mərkəzilə birgə 15 əmanət ana ilə seminarlar və fərdi konsultasiyalar aparılıb.
Analarla həm peşəkar, həm könüllü psixoloqlar tərəfindən həyata keçirilən psixoloji konsultasiyalar çox faydalı olmuş, ümumi ailənin mənəvi-psixoloji vəziyyətinə müsbət təsir etmişdir.

Maarif

Maarifləndirilən qadın qəlbi və zehni elm və əxlaqın ziyası ilə dolan qadındır. Sağlam ailə və cəmiyyət üçün maarifpərvər qadınların yetişdirilməsinin zəruri olduğunu düşündüyümüz üçün “Cığır” MDİD İB tərəfindən əmanət analarımızla kitab müzakirələri, təlimlər, simpoziumlar həyata keçirilir. 
Əmanət analarla həftəlik mənəvi söhbətlər, fərdi konsultasiyalarla yanaşı onların müəlliflik və rəhbərlik etdiyi layihələr həyata keçirilir.

Mədəni gəzinti

“Cığır” MDİD İB 5 illik fəaliyyəti dövründə nəinki uşaqların, eləcə də ailənin ağır yükünü çiyinlərində daşıyan əmanət anaların mədəni istirahətlərinə böyük özən və diqqət göstərməkdədir. Vaxtaşırı olaraq regionlarımızın səfalı bölgələrinə təşkil edilən mini turlarımız anaların qayğıdan kənar sevgi, bərabərlik ortamında səmərəli zaman keçirməsinə şərait yaradır. Bu gəzintilərdə təlimlər aparılmış, yaddaqalan anlar yaşanmışdır. 

Eyni zamanda vaxtaşırı olaraq Park Bulvarda – planetarium, kitoteatrlarda bərabər maarifləndirici film izlənməsi istər düşüncə, dünyagörüş və motivasiya ruhunun artmasında çox faydalı yer tutur.  

Qadın-günəş, çocuq-ay... nuru ay günəşdən alır,
Qadınsız ölkə çapuq məhv olur, zavallı qalır. (H.Cavid)

Sosial mediada bizi izləyə bilərsiniz.