“CIĞIR” MDİD İB kollektivi olaraq növbəti şəhid ailəsi ilə görüşümüz hər birimizi riqqətə gətirdi.
Şəhidimizin səmimi, ünsiyyətcil xanımı Arzu və gözəl tərbiyəli övladları 7 yaşlı Gülay və 5 yaşlı Yusiflə tanışlıq bizə xoşbəxtliyin nə olduğunu anlatdı.
Vətən fədakarı Kərimov Asif Məmməd oğlu 1989-cu il martın 25-i Cəlilabad rayonunun Ləzran kəndində anadan olub. 2006-2010-cu illərdə Azərbaycan Dövlət Neft Akademiyasında (ADNA) təhsil almışdır.
Azərbaycan ordusunun Baş Leytenantı olan Asif Kərimov 2020-ci il sentyabrın 27-də başlanan ll Qarabağ müharibəsində Füzulinin, Qubadlının və Şuşanın azadlığı uğrunda gedən döyüşlərdə mübarizlik göstərmiş, noyabrın 3-də Şuşa döyüşlərində şəhidlik zirvəsinə yüksəlmişdir. Şəhidimiz Cəlilabad rayonunda dəfn olunmuşdur.
