Xoşbəxtliyi dadmağın ən yaxşı yolu onu paylaşmaqdır. (Corc Bayron)
Xoşbəxtliyi əmanətlərimizi xoşbəxt edərək yaşamağa, paylaşmağa qucaq açaraq səhərin ilk işıqlarından bölgələrimizə səfərə yollandıq.
Əziz dostlarımız, Sizin dua və sevginizi öncə İsmayıllı rayonuna apardıq. Qarlı, soyuq havamızı əmanət ailələrimizlə söhbətimiz isitdi. Gənc könüllülərimiz gül balalarımızla bir-birindən maraqlı oyunlar oynadı, dəyərli vaxt keçirdi. Beləcə bütün gün xoşbəxtliyin rənginə boyandıq Çünki əmanətlərimizin üzündəki sevinc hissi böyük dəyərimizdir.
İsmayıllıda gecələdikdən sonra yolumuzu həyəcanla Qəbələyə tutduq. Vətənimizin dilbər guşələrindən biri olan Qəbələdə sevgili əmanət ailələrimizlə görüşdük. Böyük ailəmizin xoşbəxtliyini sizinlə bölüşürük.
Bölgələrə səfərimizdə İsmayıllı və Qəbələ Əmanətlərimizi yeni geyimlərlə sevindirdik.
Xeyirsevərlərimizin dəstəyi ilə dəyərli balalarımızın çöhrəsində bənzərsiz sevincə şahid olduq. Dəstəti olan hər kəsdən Allah qəbul etsin.
