Kiçik və Orta Biznesin İnkişafı Agentliyi (KOBİA), Bakı Şəhər və Yasamal Rayon icra hakimiyyətlərinin tərəfdaşlığı, Kiçik və Orta Biznes Subyektləri və Klublarının Assosiasiyasının (KOBSKA) və Azərbaycan Korporativ İş Adamları Birliyinin (AKİAB) təşkilatçılığı ilə Hüseyn Cavid Parkında Beynəlxalq Biznes Festivalı keçirildi.
Ümummilli lider Heydər Əliyevin 100 illik yubileyinə həsr olunan tədbirin məqsədi yerli sahibkarların və ölkəmizdə fəaliyyət göstərən xarici şirkətlərin məhsul və xidmətlərini daha geniş auditoriyaya tanıtmaq, iş adamları arasında Əməkdaşlığın genişləndirilməsi idi.
Tədbirdə KOBİA-nın İdarə Heyətinin sədri Orxan Məmmədov, Milli Məclisin deputatı Vüqar İskəndərov və Yasamal Rayon İcra Hakimiyyətinin başçısı Elşad Həsənov sərgidə Birliyimiz tərəfindən nümayiş olunan “Qutabdan kitaba” və digər sosial sahibkarlıq layihələrimizin məhsulları ilə yaxından tanış olublar.
İştirakımıza şərait yaradan təşkilati rəhbərliyə təşəkkür edirik.
