“Cığır” ailəsi bu bayramda bir sıra rayonlardan sonra Ağdaşda da ata himayəsindən məhrum uşaqlara şövq və həyəcan dolu Ramazan bayramı sevinci yaşatdı.
Könüllülərimiz “Mülk” xeyriyyə alış-veriş mərkəzimizin hazırladığı fitrə boğçalarını və hədiyyə bağlamalarını gül balalarımıza çatdırdılar.
Bayramlar bir-birimizə sevgimizin, diqqət və qayğımızın artdığı, şaxələnərək kiçik dostlarımızın qəlbində iman çiçəyi açdığı özəl günlərdir.
Vətənimizin səfər etdiyimiz hər bölgəsində əmanət balalarımızla və xeyirsevərlərimizlə bayramlaşaraq dostluq, birlik və bərabərlik, yardımlaşmaq kimi dəyərlərimizi gücləndirir, bu xeyir işin xoşbəxtliyini yaşayırıq. 
