“Cığır” MDİD İB olaraq biz, idarə heyətimiz, könüllülərimiz və layihə könüllülərimizin iştirakı ilə “Samur-Yalama Milli Parkı” ərazisində “Yaşıl dünya naminə həmrəy olaq” adlı təmizlik aksiyası təşkil etdik. Bu aksiya təbiətə qayğının və ətraf mühitin qorunmasının vacibliyini vurğulamaq məqsədi daşıyırdı.
Könüllülərimiz park ərazisində zibilləri yığaraq təmizlik işləri apardılar və eyni zamanda, yaşıllığın və təbiətin qorunmasının əhəmiyyəti haqqında daha çox məlumat əldə etdilər. Təmizlik aksiyasının davam etdiyi müddətdə, qoruğun işçiləri də bizə dəstək oldular və bu birlikdə həyata keçirilən işlər sayəsində ətraf mühitin qorunmasına töhfə verdik.
Aksiyanın sonunda hamımız birlikdə xatirə şəkilləri çəkdirdik. Bu cür aksiyalar təbiətə olan məsuliyyət hissimizin daha da gücləndirilməsinə və ətraf mühitin qorunmasına yönəlmiş addımların atılmasına xidmət edir. Gəlin, yaşıl dünyamızın qorunması naminə hər zaman həmrəy olaq və təbiətə sahib çıxaq!
