“Sağlam ruhlar” layihəsi çərçivəsində əmanətlərimiz üçün ikinci əl xeyriyyə kitab satışımız baş tutdu.
Layihə könüllüləri 2 həftə müddətində böyük sevgi, zəhmət, şövq və həyəcanla kitab satışımıza hazırlaşdılar.
Könlünün istisindən pay verən tələbələrimizin təşkilatçılığı ilə kitab mağazaları və kitabsevər dostlar ikinci əl xeyriyyə satışımıza təşviq olundu.
2 gün davam edən satışımızda əsas məqsəd əldə olunan vəsaiti əmanətlərin tibbi-sağlamlıq xərclərinə sərf etmək və gül balalara sağlamlıq bəxş etməkdir.
Kitablarla işıq oldular.
“Bir kitab, bir həyatdır” – deyən kitabsevər dostlarımız bu gözəl təşəbbüsümüzə biganə qalmadılar və onların sayəsində xeyriyyə fondumuz daha da möhkəmləndi.
Artıq bir neçə ay müddətində əmanət balalarımızın rahat şəkildə tibbi xərclərini qarşılamaq mümkün olacaqdır.
