Yağış yüklü buludlar kimi gələrək bizləri fərahlığı ilə saran Ramazan ayımız əmanətlərimizlə birlikdə bərəkətlənir. “Ramazan Qatarı”mız Hövsan əmanətlərimizin üzündə gülüş, qəlbində sevinc və ümid olmaq üçün iftara tələsir. Oruc tutanların yuxusu ibadət, susması təsbih, əməli qəbul və duası müstəcəbdir… Dua və əməllərimizi bu ayda əmanətlərimiz üçün xeyirdə birləşdirmək naminə hər iftar əmanətlərimizə qurban əti göndərən həsən düşüncəli insanlara öz təşəkkürümüzü bildiririk. Hər iftar ” balaca qatarımızla” anaların süfrəsini qurban əti, balacaların qəlbini oyuncaqlar və məktəblilərin ruhunu kitabla bəzəyə bilmək üçün neçə gözəl insan “xeyirdə yarışın” ayəsini yaşayır.🌹🌍
