“Qiraət mədəniyyətinin formalaşdırılması” layihəsi çərçivəsində könüllülərlə ilk təlim keçirildi.
Təlimin əvvəlində layihə rəhbəri Günel Babayeva iştirakçılara layihənin məqsədi, fəaliyyət istiqamətləri və gözlənilən nəticələr haqqında məlumat verdi. O, qeyd etdi ki, bu layihə gənclərin oxu mədəniyyəti sahəsində maariflənməsinə və cəmiyyətə faydalı təşəbbüslərdə fəal iştirakına zəmin yaradacaq.
Ardınca “Cığır” MDİD İctimai Birliyinin təsisçisi, fil.ü.f.d. Yeganə Mirzəyeva tərəfindən “Mütaliə işığında axtarış eşqi” mövzusunda maarifləndirici və ruhlandırıcı təlim keçirildi. Təlim zamanı mütaliənin insanın dünyagörüşü və daxili zənginliyi üzərindəki rolu vurğulandı, könüllülərlə dərin və maraqlı müzakirələr aparıldı.
Görüş çərçivəsində iştirakçılar layihəyə qoşulma səbəblərini bölüşdülər və bu təşəbbüsə olan motivasiyalarını səmimi şəkildə ifadə etdilər. Təlimin sonunda interaktivlik və tanışlığı artırmaq məqsədilə “buzqıran” oyunu təşkil olundu.
Layihənin uğurlu icrasına dəstək göstərdiyi üçün QHT-lərə Dövlət Dəstəyi Agentliyinə təşəkkürümüzü bildiririk.
