Uşaqların tədbirlərə, müxtəlif əyləncə yerlərinə və istirahətə gedə bilməməsi bəzən onların özünü tək hiss etməsinə, özünü digər uşaqlardan ayırmasına səbəb olur. Bu da onların gələcəkdə cəmiyyətə uyğunlaşmasında problem yarada bilir. Məqsədimiz əmanətlərimizlə birlikdə piknik etməklə onların yalnız olmadığını onlara hiss etdirmək, onları sevindirmək və dünya görüşlərini inkişaf etdirmək, insanları və təbiəti sevdirməkdir. Bu layihə uşaqların sosiallaşması üçün münbit şərait yaradır.